即時新聞
 


體育


查頓辛祖身價如坐火箭 貼近1億 (06:04)


(互聯網)



【on.cc東網專訊】唔止足球睇波,仲有24小時滾動賠率,即時體驗:https://bit.ly/2UmNL0L 

英格蘭日前喺歐國外5比3戰勝科索沃,小將射手查頓辛祖梅開二度,呢位19歲多蒙特前鋒喺英國紅到發紫,足球網站《轉會市場》已經將查頓辛祖嘅轉會費上升到9000萬鎊,因此預計,明年1月再有球會向多蒙特出價嘅話,至少都要1億鎊(約9.66億港元)。

早前《曼徹斯特晚報》報道,曼聯已打算明年1月簽入查頓辛祖,並預留1億鎊報價,表示曼聯都預咗佢值咁嘅價錢。不過要簽呢位小將嘅球會豈止一間曼聯,近日前阿仙奴領隊雲格表示,喺佢仍執教阿仙奴期間,一早睇中佢,仲差啲簽咗佢返嚟!

查頓辛祖未對自己前途表達意願,在社交網站留言:「能為自己國家入波,呢種感覺難以形容,呢一世都唔會忘記。」佢接受訪問時表示:「我將入球獻給已去世嘅嫲嫲,佢一直係我球迷,可惜佢已經唔喺度。」

立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。