即時新聞
 


體育


亞冠外 盧卡斯︰有信心為傑志爭勝! (14:56)


(何彥霆攝)



【on.cc東網專訊】【何彥霆怡保直擊】去季因傷無法代表傑志出戰亞冠的巴西前鋒盧卡斯,對於首次踏上亞洲賽的舞台,他表示感到期待和興奮︰「好開心可以首次代表球隊踢亞洲賽,同時亦對呢場波充滿信心,我希望可以協助隊友贏波。呢度天氣嘅問題唔算好嚴重,始終香港都好熱,而我哋亦有一班好球員,所以問題不大。上季我哋喺科蘭身上學咗好多嘢,不過已成過去,依家我得到機會挑戰亞冠盃呢個舞台,期望幫到球隊贏波,而我哋嘅目標係要打入分組賽嘅階段。」

對於主教練朱志光提及自己今仗為球隊擔負重任,盧卡斯則表示沒有感到緊張,亦清楚自己在場上的工作︰「我認為前鋒對每支球隊嚟講都好重要,喺今場嘅關鍵在於我以自己嘅身型去『Hold波』,當然有機會的話就肯定要爭取入球。我曾經喺過巴西打過唔少重要嘅比賽,所以我冇感到緊張,只係對呢場波好期待,再加上一班隊友都好有經驗,因此只係想好好去享受呢場比賽。」



(何彥霆攝)


(何彥霆攝)