即時新聞
 


體育


【三獅點兵】重召朗尼告別 選埋威爾遜! (23:10)


(互聯網)



【on.cc東網專訊】話咁快又到國際賽周,英格蘭領隊修夫基剛為嚟緊熱身賽同歐國聯點兵,選出28人大軍。之前已事先張揚、鬥美國將會落場上演告別戰嘅朗尼當然有入選,而本季已經射入六個英超入球嘅般尼茅夫前鋒哥林威爾遜,聯同白禮頓守衞李維士鄧克,以及兩名門將比堤歷尼、阿歷士麥卡菲,均為首次進入大軍名單。而一眾年輕球員如查頓辛祖、阿歷山大阿諾特、祖高美斯、雲克斯等亦都在列。

英格蘭作客美國踢熱身賽,成美職華盛頓聯隊前鋒朗尼嘅告別戰,現任隊長哈利卡尼表示,非常開心可與朗尼再次並肩作戰,今場絕對願意交出隊長臂章予朗尼。英軍鬥完美國後,就會再戰歐國聯對克羅地亞,到時朗尼已完成國家隊任務,唔會獲派上陣。

英格蘭28人大軍名單:
門將:比克福特(門將)、畢蘭特(史篤城)、比堤歷尼(富咸)、阿歷士麥卡菲(修咸頓)
後衞:阿歷山大阿諾特(利物浦)、芝維爾(李斯特城)、李維士鄧克(白禮頓)、祖高美斯(利物浦)、米高堅尼(愛華頓)、勞基梳爾(曼聯)、史東斯(曼城)、捷比亞(熱刺)、基爾獲加(曼城)
中場:迪利亞里(熱刺)、巴克里(車路士)、戴爾夫(曼城)、艾歷迪亞(熱刺)、佐敦軒達臣(利物浦)、連格(曼聯)、羅夫度斯卓克(車路士)、查頓辛祖(多蒙特)、雲克斯(熱刺)
前鋒:朗尼(華盛頓聯隊)、哈利卡尼(熱刺)、拉舒福特(曼聯)、史達寧(曼城)、韋碧克(阿仙奴)、哥林威爾遜(般尼茅夫)

東網體育FB同你追實體壇每個精彩時刻!
http://bit.ly/2ecTF2A