即時新聞
 


體育


世盃外 委軍領隊爆:巴拉圭出美女色誘陰招 (22:00)

【on.cc東網專訊】即上英超刨績王:http://win.on.cc/epl 

連色誘都搞唔掂,委內瑞拉點解同巴拉圭咁大仇口,寧願選擇大家攬炒?世盃外圍賽南美洲區壓軸戰巴拉圭主場對包尾大幡委內瑞拉,賽前排名第7嘅巴拉圭,贏波就有機會攞到去俄羅斯嘅機票,可惜喺大好形勢下,巴拉圭竟然主場0:1輸畀委內瑞拉,結果無緣決賽周,賽後委內瑞拉主帥Rafael Dudamel好自豪咁爆料,話自己班球員叻在坐懷不亂,先至可以拖埋巴拉圭落水,一齊出局。

Rafael Dudamel喺記者會公開爆出呢單色誘醜聞,話賽前巴拉圭曾派出靚女,前往佢哋嘅下榻嘅酒店色誘委內瑞拉國腳,佢咁講:「委內瑞拉應該為我哋嘅球員感到驕傲,對方用咗啲老土手段想擾亂我哋軍心,賽前有幾個靚女嚟到我哋酒店試圖勾引球員,我哋覺得好好笑,我哋亦唔知邊個派佢哋嚟,但好好彩,班球員都不為所動,頂住美色誘惑。最終結果係,我哋擊敗巴拉圭攞走3分。」不過到底係班女仔唔夠索?定係委內瑞拉球員夠清高?抑或委內瑞拉同巴拉圭真係有不共戴天之仇?目前仲係個謎。

東網體育同你追實體壇每個精彩時刻! 
http://bit.ly/2ecTF2A