即時新聞
 


本地


政Whats噏:盧偉國兩公婆農曆年留港坐鎮 (21:48)

【on.cc東網專訊】仲有幾日就係農曆新年,有人會趁住假期離港旅遊度歲,但亦有人會堅持留喺香港過年,而立法會議員盧偉國就屬於後者。點解唔去玩吓?因為佢係「大阿哥」囉!

盧偉國係三兄弟中嘅大阿哥,由於其父母俱已離世,喺「長兄為父」嘅觀念下,盧偉國就承擔起領導家中幼小嘅角色。而咁啱嘅係,盧偉國嘅太太亦係家中嘅「大家姐」,因此每逢新歲,兩公婆都必須留喺香港,同家人一齊食團年飯及進行各項拜年同開年活動。如果有出門旅遊嘅需要,都只能選擇歲晚或過年後嘅日子,至少由年三十至年初二,都必需留喺香港坐鎮家中。

咁多人嚟拜年,梗係要準備好多傳統賀年食品喇,盧偉國話太太都鍾意烹飪,會包餃子同炮製蘿蔔糕等食品同家人大快朵頤。