即時新聞
 


巨星


冇得拍續集!李佳芯捲政治風波一鋪清袋 (00:01)


李佳芯連黎諾懿都連累埋~唉!



【on.cc東網專訊】藝人李佳芯與黎諾懿主演的無綫劇集《BB來了》,贏得收視與口碑,更令李佳芯一擢成為視后,原本劇集一早已計劃開拍續集,九月底原班人開拍,可惜之前李佳芯傳捲入政治風波被內地封殺,更被無綫雪藏,就連她之前代言的支付寶及化妝品牌廣告都被抽起。而無綫早就計劃拍《BB》續集,但一直被演員檔期拖住,現時亦決定全面換角、洗牌,故事仍以BB系列為主題,但男、女主角就換了馬國明及岑麗香,今次是香香產後復出之作,而李佳芯繼續入雪櫃之餘,黎諾懿都慘遭拖累。

馬國明頂上:有得開固然開心!

對此,李佳芯接受東網訪問說:「本身都聽過會有改動嘅,但我冇聽過會轉成點,亦有講過唔拍住,本身啲期撞得太犀利,自己亦負荷唔到拍完一套三十再拍一套廿五集。(諾懿被拖累?)唔使擔心啦!佢本身都有好多綜藝節目,公司都有好多劇,唔驚冇得做,每個演員都有價值,都會用得着。」不過,諾懿坦言覺得可惜,但亦明白沒有人想發生,他說:「《BB來了》係我同佳芯嘅一個佳作,其實拍續集如果冇咗邊個都唔好,唔再係原汁原味,所以起用其他人拍都啱,以全新嘅陣容,全新嘅古仔去睇。其實拍續集都有壓力,依家咁都OK,有個美好嘅回憶。」

而馬國明受訪時坦言還未收到公司通知,現時忙於拍攝《使徒行者3》,要拍到年底:「我未正式收到通知,公司安排我哋就要拍,有得開固然開心。(同香香合作!)我之前都同佢合作過,佢係會令到同事好舒服嘅演員。」而香香於截稿前未有回覆。

--------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



《BB來了》續集冇佢哋兩個份喇!


由馬國明~


同岑麗香頂上~大家袋住先啦!