即時新聞
 


巨星


無懼地中海貧血症 黃天頤C君愛得有歡樂 (20:18)


雖然C君(圓圖)患了上地中海貧血症,但黃天頤表示二人依然有歡樂!



【on.cc東網專訊】組合農夫成員C君日前宣布向DJ女友黃天頤求婚成功,今日黃天頤現身活動時表示兩人會於今年底結婚:「唔想太急,因為聽人講好多嘢要籌備。」問到男友求婚時,她可有感動到喊?她坦言:「一開始我冇喊,但見到佢眼濕濕,我就忍唔住喊。我都有啲估唔到,平時佢口才好過我,但求婚時口窒窒,而且拍拖咁耐好少見佢喊,所以令我有啲驚訝,原來真係會咁激動。」

至於生育大計,天頤稱暫未有打算,揚言自己較傳統,會婚後才造人,對於有網友稱C君患有地中海貧血症,不宜生小朋友,但她不表認同:「其實依家嘅科技係可以預先檢查BB係咪有呢個病,而且我哋都想講畀大家知,有呢個病唔代表人生就此玩完,C君就係一個例子,雖然佢有地中海貧血症,但都可以為大家帶來歡樂。」



黃天頤表示婚期定在今年底。


黃天頤強調婚後才造人。