即時新聞
 


巨星


祝祖兒連生貴子!霍汶希:呢兩、三年會有 (18:18)


Mani話有直覺容祖兒呢兩、三年會生B!



【on.cc東網專訊】英皇高層霍汶希(Mani)現身電台活動,提到早前跟同事夾份中六合彩,她表示:「我哋幾十個同事一齊夾,楊生(楊受成)都夾咗一千蚊,我哋買咗萬幾蚊,中咗二萬幾,我投資咗一千,中咗八百幾,我哋已經係第二次中六合彩,上次中過二十幾萬,覺得係集氣,大家上下齊心,有念力會中,每次有大彩池就會買,啲號碼係我哋公司嘅電競隊揀。」

因工作錯失機會

另外,講到女兒祝她連生貴子,Mani稱要將該任務交給容祖兒:「我有直覺佢呢兩、三年會有,我勸佢要開刀生,因為佢成家個頭都好大,佢細佬出世九磅幾。(會唔會介紹男仔畀佢?)佢有啲計,而且阿Sa(蔡卓妍)成班人經常有聚會,會有介紹。我覺得佢近年因為工作而錯失好多機會,佢應該要鬆吓,佢啱啱去咗韓國錄音,嗰邊好多靚仔。」

想簽姨甥女做星

至於早前Mani在社交網站上載了跟靚靚姨甥女的合照,她直言不少人誤會對方是其女兒:「姨甥女12歲,我個女7歲,我好少公開我個女嘅樣,因為佢唔鍾意,都係低調啲好,而且佢又唔靚女,同佢表姐比,大家會好失望。」她大讚姨甥女靚女,能歌善舞,而且是朗誦冠軍,笑言若仍未退休,要簽對方做星,做其經理人。

----------------------------
東網巨星開咗ig喇,大家快啲follow啦!
https://bit.ly/2JjSVcr



Mani直覺準唔準㗎?


Mani話覺得中六合彩係因為同事們集氣!