即時新聞
 


巨星


拍喜劇有難度 高海寧爆有7個女仔冧王浩信 (23:32)


高海寧自爆今日錫咗王浩信塊面幾啖。



【on.cc東網專訊】藝人高海寧(高Ling)身穿低胸裙出席「仁濟慈善雙週2018慶功宴暨頒獎典禮」,擔任表演嘉賓唱歌。受訪時她表示要唱歌很緊張:「因為好耐冇唱,頭先同王浩信拍完劇就趕過嚟。」講到正在拍攝新劇《極道怪咖》,她表示:「今日開第二日外景,拍嘅過程會同王浩信傾點樣做得好啲,我都比較少拍喜劇,而好多搞笑嘅戲都喺我嗰度,所以我都要學吓,喺戲做出嚟都有啲難度,所以要靠對手同導演幫。」問到與王浩信可有親熱戲?她表示:「今日場戲講我錫咗佢塊面幾啖,佢喺套劇有7個女仔鍾意佢。(會唔會有激啲嘅戲?)之後嗰啲未知。」

生日想成功減肥

講到她開劇前去了旅行,她表示:「係呀,抽咗3日時間即興飛,其實我係晏晝問個喺韓國住嘅朋友,凌晨就即刻飛韓國。」13號生日的她,此行可是順便慶生?她直言正日全日要拍劇:「所以冇乜期望,想趁開劇前放鬆下。」問到可會有時間與男友鄧智偉慶生?她說:「我嗰日Full Schedule,但喺工作中度過都開心。」講到生日願望,她笑言希望成功減肥:「之前喺台灣拍《殺手》十幾日就已經肥咗,所以想減番,因為嚟緊都有啲戲份要着露腰同打拳衫。」

----------------------------
東網巨星開咗ig喇,大家快啲follow啦!
https://bit.ly/2JjSVcr



高海寧、王浩信(左)同馬德鐘一齊出席活動。


高海寧低胸上陣。


仲晒埋美腿!