即時新聞
 


巨星


【全城追打】洪永城勁乞人憎禍及女友 (23:23)


洪永城真係幫唔落!



【on.cc東網專訊】藝人洪永城(Tony)出席無綫劇集《大帥哥》結局飯局,不諱言劇中角色「馬炭」乃從演以來最乞人憎、又最受歡迎的一次,現場更被同劇演員輪流掌摑,場面惹笑。

由於角色討人厭,Tony表示曾被街坊以粗口笑罵,就連女友梁諾妍也被朋友訊息「轟炸」:「呢個角色畀網友話似《Keroro軍曹》嘅Tamama,所以好多朋友要求女朋友代佢哋打我,覺得Tamama真係好抵死囉!(係咪會找數畀同劇演員打?)係,任由三位姨太太折磨,最多都係懷恨在心啫!冇乜嘢嘅。」對於劇集收視不俗,Tony指第24集錄得31.8點收視,網上點擊率已超過6.4億,公司將於下周會在電視城舉行慶功宴。

而楊秀惠則表示已集齊5萬名網友掌摑Tony,還刻意收集意見,了解應如何折磨對方:「我有啲心痛,話晒佢靠個樣㗎嘛!不過都係睇大帥哥點懲罰佢啦!其實劇入面有兩場掌摑Tony戲份,我都係真打,趁機報仇,當時埋位就上身咁,好在冇NG,睇到佢個表情反應真係好憎我,啲怒火標晒出嚟添!哈哈!」



抵打!


摑落去!


仲嘴藐藐!