即時新聞
 


巨星


遊天空之鏡遇肚屙 周秀娜冇錢去廁所點算? (20:20)


係囉~呢個情況人有三急~點算?



【on.cc東網專訊】「宅男女神」周秀娜出席護膚品牌活動,透露啱啱去南美洲旅行返港,去咗一個又長又辛苦嘅假期:「去咗三個星期,我冇諗過放假都咁趕,自己有水土不服,又唔見咗行李,好彩同兩個女朋友去,開頭嗰幾日都係問佢哋借啲日用品,除咗最貼身嘅嘢喺當地街市買。(街市?)係, 因為玻利維亞比較落後,所以成個旅程覺得自己好污糟,雖然有得沖涼,但日日着住嗰件衫,去到天空之鏡仲大鑊,因為嗰度好大,景點去景點距離好遠,我嗰日又肚屙,真係好大鑊,而且每去一個洗手間都要畀錢,我哋咁啱三個身上都冇現金,好彩遇到一個好好嘅香港人,佢係我嘅fans,我屙唔屙到都真係靠佢。(fans知唔知你發生咩事?)大概都有講。(女神形象破滅 ?)我嘅人生大事呀,唔理得咁多啦,自己都差啲虛脫,嗰度又曬又大,不過都係一個好好嘅體驗。」

問到此有冇艷遇?佢話「唔知算唔算,大家語言不通,有日我哋去餐廳食飯,離開時有兩個荷蘭人搭訕,但之後都不了了之,佢有同我哋講聽日去天空之鏡,咁啱我哋又係嗰日去,咁見到就見啦。」佢又話返香港之後即刻復工,「返嚟第一日已經返工喇,仲要拍談情戲,魂魄都未齊就要談情。」



佢仲要話搵到廁所,但係個廁所要收錢~


周秀娜自己身上又冇錢可以點?


天空之鏡呀!