即時新聞
 


巨星


識得笑喎!離婚楊冪透視Look見人派心心 (20:10)


楊冪離婚,都冇乜影響佢出席活動心情。



【on.cc東網專訊】內地花旦楊冪同劉愷威離婚後,一直都冇開腔再講離婚一事,佢今晚出席北京舉行嘅微博之夜,就連紅地氈都冇行。不過佢同黃曉明、郎朗、劉燁、陳坤等攞「星光公益影響力人物」獎時,終於肯露面上台見人,佢仲同眾星一齊派韓式心心添。

現場所見,楊冪精神唔錯,不過面對鏡頭只係微微一笑,而網民就將焦點移下,因為佢着嗰條透視裙,若隱若現透出佢一雙遠近馳名筷子腳,勁吸睛!

另外,沒有行紅地氈的趙薇與李冰冰則先後上台領獎。



楊冪同曉明、陳坤等一齊派心心。


透視裝晒筷子腳。


好索!