即時新聞
 


巨星


千萬身家濕濕碎!啤梨送400萬樓箍實老婆 (00:00)


好老公!



【on.cc東網專訊】新城DJ葉文輝(啤梨)的太太Michelle早前傳出軌,獲老公投下信任票。為證兩人情不變,啤梨在紙婚紀念日,向老婆送上400萬港元的物業作厚禮,連同在港市值800萬的私樓,工作密食當三番的啤梨已有逾千萬身家。

12月3日是啤梨和Michelle結婚一周年紀念日,據知「廿四孝老公」啤梨送上約400萬港元的加拿大物業給太太作為紙婚禮物。日前,啤梨受訪時直認買了樓,但強調和太太無分彼此:「當係送畀大家嘅結婚禮物,已經係一家人,冇話邊個送畀邊個。唔好講到我係土豪咁,我都係畀咗幾十萬港幣首期,要供到死嗰日㗎!」

問到他為何不在港購置新物業?他謙虛地說:「香港啲樓市太癲,我就冇本事喇!咁太太係加拿大籍,可以喺當地置業,見加拿大嗰個單位喺多倫多市中心金融區,400萬有600呎,係兩房單位,比香港抵咪買囉!不過依家係樓花,下年先至收樓,我哋會租出去作投資用途。」

另外,啤梨又否認為移民或退休鋪路,更指自己有排做:「依家要供樓,所以要更加努力搵錢,家陣我乜都做喇!唱歌、拍戲、做MC乜都接。」問到可有其他驚喜?他就話因為搵錢至上,結婚紀念日有工作在身,所以提早一晚和太太食日本菜和做spa作慶祝。問是否鴛鴦spa?他說:「唔係,只係做按摩啫!不過有送花嘅。」

----------------------------
東網巨星開咗ig喇,大家快啲follow啦!
https://bit.ly/2JjSVcr



啤梨力證兩人情未變。


啤梨睇中約400萬港元嘅加拿大物業。


啤梨打算將物業租出,作投資用途。