即時新聞
 


東網巨星


《嫁2》毛毛囡囡去咗邊?陳貝兒開估 (12:25)


尋日播出的一集講毛毛與瑞典老公Johan的愛情故事。



【on.cc東網專訊】由陳貝兒主持的無綫節目《嫁到這世界邊端2》,感動了不少網民,好多人都話睇到眼濕濕,而經歷過婚姻失敗的貝兒,也是集集喊,佢自嘲「喊到這世界邊端」。在昨晚播出的第三集,講述一個港女毛毛為愛甘願養一個失業瑞典男友Johan 12年的故事,節目一開始就介紹毛毛在很年輕時就誕下女兒,沒多久就離婚,港男都嫌棄她的過去,後來她在網上結識了現在的老公,但老公在香港12年都找不到工作,毛毛一個人要養父母、女兒及老公,生活很困難,連婚戒都是買幾百元的貨色,但堅持終於守得雲開,現在Johan在瑞典可以撐起整個家,而毛毛終於可以做少奶奶發展自己的興趣。貝兒喺節目都話:「一個男仔,要蛻變成長成為一個男人,可能真係需要時間。佢哋唔係唔成功,只係未成功。毛毛佢選擇相信,唔係因為見到希望佢先至堅持,而係因為佢堅持落去,所以佢見到希望」。

囡囡留港生活

網民看完昨晚播出的內容後,都關心毛毛的女兒有沒有跟母親到瑞典生活,而貝兒今日就喺ig親自解答,她透露毛毛的近況:「毛毛而(依)家喺瑞典生活幸福美滿,仲話等緊做毛婆婆。毛毛之後喺 live chat 都有講到,囡囡其實已經20幾歲,係一位教師,有自己嘅職業同埋自己嘅生活,拍緊拖,好開心。毛毛一年幾前離開香港移居瑞典嘅時候都有問過囡囡嘅意向,囡囡唔捨得香港嘅朋友同份工,所以選擇留喺香港,為媽媽送上無限嘅祝福,鼓勵媽媽繼續勇敢去愛。」

好多網民就留言表示「毛毛嘅愛同堅持真係好令人感動,祝福佢未來生活更安穩幸福」不過都有網民將自身的經歷公開,表示自己冇咁好彩:「我都用咗11年時間等到我老公成功,但佢成功左之後幾年發覺我同佢距離好遠,然後搵咗個後生學歷又高嘅女人,我哋仲離埋婚」。



節目一開首,就介紹毛毛的背景,離過婚有個女。


毛毛在草地上接受貝兒的訪問。


毛毛與Johan結婚後,對方失業長達12年。