即時新聞
 


東網巨星


有玄機?蕭亞軒神隱5個月忽晒落葉抱膝圖 (12:03)


健康最重要!



【on.cc東網專訊】被指怪病纏身嘅台灣天后蕭亞軒(Elva)工作全面叫停,世界演唱會都要取消,而佢喺5月更新完微博之後,雖然曾喺另一社交網晒「OK手勢」嘅相,手背部分有類似印度紋身嘅圖案,不過佢就繼續唔見樣,唔知佢依家情況係點。

到咗尋晚(11日),Elva終於喺微博再次「現身」,晒出兩張「落葉抱膝圖」,似係佢親手畫嘅畫作,而圖中就見到有公仔拋紙飛機,又有公仔跪晒地同有面具人,亦有枯樹落葉等,而Elva又放大其中一個公仔坐地抱膝嘅落寞部分,感覺都幾Down,加上佢用林憶蓮《纸飛機》歌詞做配文,內容係指想尋回昔日嘅快樂時光,就咁睇就似係現時佢嘅心情寫照。唔少網友見佢借畫抒發心情,除咗紛紛留言去估佢畫中之意,都有暖心網友力撐Elva,大嗌健康最重要!

Elva,加油!!



到底有咩玄機?


好似好Down咁啵…


加埋《纸飛機》歌詞,網友都即刻留言力撐!