即時新聞
 


東網巨星


未去番模特兒Size 熊黛林上身未Keep好 (20:03)


但都已經好fit。



【on.cc東網專訊】本月10日38歲生日的熊黛林(Lynn)出席活動,透露剛與老公到新加坡旅行,過二人世界慶生日。問到有否趁機造人?她說:「呢個都未搞掂,第一次離開兩個囡囡咁長時間,真係好唔捨得,每朝都要同我媽咪視頻,喺飛機度又要睇佢哋啲相,我終於好理解啲人話掛住仔女嘅感受。(追多個仔?)一切隨緣,好多手尾跟,例如減肥,我之前重咗50幾磅,依家已減咗30幾磅,但都未如理想,好多衫都着唔番,着唔番模特兒size,上身都仲未收到。(仲餵人奶?)停咗冇餵,一諗到要出嚟做嘢,要減肥就打消呢個諗頭。」

Lynn透露兩個囡囡就快半歲,好好玩,她說:「佢哋細個一個似我一個似老公,但依家兩個都似老公,而且好大隻,家姐比同年齡高大,阿妹更喺大B頭幾位,手長腳長,又重。(湊得辛苦?)都幾辛苦,成日要抱,依家隻手都未好番。」而講到有指舊愛郭富城將再做爸爸,她大方說:「如果真就恭喜佢。(你都加把勁?)我兩個已經好夠,一次過滿足晒。」



佢話上身未收好。


啱啱先同老公去完旅行返嚟。


好高貴。