即時新聞
 


東網巨星


郭富城視角?方媛蒲頭晒相搵枱遮孕肚 (07:30)


仲唔係郭富城影!



【on.cc東網專訊】上年先至升呢做爸爸嘅郭富城,有指佢太太方媛極速再次有喜,雖然佢哋未有正面回覆,不過之前方媛同朋友食飯時嘅一張相就出賣咗佢,皆因張相明顯見到一向瘦底嘅方媛肚凸凸!而喺社交網「消失」咗兩個月嘅方媛終於蒲頭,佢發咗張喺餐廳食飯時影嘅靚相,留言話:「好久不見,聽說有人在等我更新哦!」雖然係側側地面,淡妝上陣嘅佢一樣咁省鏡,因為係坐喺度影,下半身就畀張餐枱遮住咗,睇唔到佢凸肚嘅情況。唔少網友都留言讚佢佗住B但係手臂都係咁纖幼,仲話張相嘅角度擺明就係老公視角即係郭富城影!

----------------------------
東網巨星開咗ig喇,大家快啲follow啦!
https://bit.ly/2JjSVcr



方媛(中)呢張肚凸凸嘅相出賣咗佢。


蒲得頭都應該好快會公布喜訊。