即時新聞
 


東網巨星


佗B去大阪 董敏莉日日拎「大媽三寶」出門 (18:02)


董敏莉日日都帶「大媽三寶」風扇、退熱貼同毛巾出門!



【on.cc東網專訊】現懷有5個多月身孕的藝人董敏莉(Monie)最近與家人到大阪旅行,因當地早前發生地震,令她一度考慮取消旅程:「其實每年我都會同屋企人一齊去旅行,今年就連埋肚入面嘅BB一齊參與。其實由年頭開始同屋企人夾時間,點知出發前就有地震,所以都擔心㗎,加上日本熱浪持續,朋友都有勸我轉地方,但係屋企人準備好酒店同機票,見情況有好轉所以照常出發。」

老公呵護備至

她笑言每天都準備好「大媽三寶」出門,就是風扇、退熱貼及毛巾,而老公沿途呵護備至,令她不覺辛苦:「當地日日都三十幾度,大汗淋漓咁去每個景點,加上孕婦體溫比正常人高,我又唔可以食凍野,惟有睇住老公食西瓜、雪糕解暑。」
她笑言今次日本團「伙食差」,因要為肚中BB戒口:「咩都話唔食得,魚生嗰類唔使預我,惟有食多啲水果補數。其中一日我哋去咗動物園,我行埋少少同鹿群影相,老公都好擔心叫我護肚,因為怕佢哋撞到BB,呢份細心真係拍拖嗰時都未見過!」

----------------------------
東網巨星開咗ig喇,大家快啲follow啦!
https://bit.ly/2JjSVcr



董敏莉玩得好開心!


仲同鹿仔影相!


不過就為肚入面嘅BB戒口,好多嘢都唔食得。