即時新聞
 


東網巨星


恨挑戰拍劇!菊梓喬被胡定欣歌聲搞喊 (23:00)


Hana話自己聽胡定欣(右)唱歌聽到喊!



【on.cc東網專訊】星夢歌手菊梓喬(Hana)舉行一年一度的歌迷聚會,逾百歌迷見證她接受《忘記我自己》的金唱片儀式,當她得知唱片銷量逾萬時更一度激動落淚,喊住說:「好多謝,啲人成日不停打擊我自信,話我冇可能做到歌手,批評聲一直冇停過,但我真係好想試一次做歌手。」全場歌迷即拍掌鼓勵她。

備受力捧

Hana近年被指上位快,威脅吳若希「星夢一姐」之位,而近日她主唱劇集《宮心計2深宮計》的片尾曲《飛蛾撲火》,甫推出就登上iTunes No.1,再被網民力推,指她贏了唱主題曲《無悔無愧》的胡定欣。Hana說:「我有聽胡定欣嗰首,我聽完都喊。(係好聽定唔好聽?)好好聽,我好想有機會同胡定欣合作,其實我聽番自己首歌都喊,因為好有畫面。」

想同胡鴻鈞合作

Hana唱多首劇集歌都獲好評,問她可有興趣拍劇?她恨到出口說:「想,但要等公司安排,想演啲同自己唔同,好似巴辣啲嘅角色,不過歌手要顧及形象,唔可以亂咁演角色。」而她最想合作的男主角是胡鴻鈞,至於可拒抗跟緋聞男友張景淳演情侶?她一副怕怕樣頻擰頭說:「唔好,怕尷尬。」



Hana舉行歌迷聚會。


逾百歌迷見證Hana(中)接受《忘記我自己》嘅金唱片儀式!


Hana(左)話好想挑戰拍劇呀。