即時新聞
 


東網巨星


復出教打坐 洪朝豐寫書分享抗癌經歷 (00:02)


洪朝豐曾為咗保住靚聲,而錯過黃金治療期。



【on.cc東網專訊】洪朝豐曾為了保住最珍惜的聲音,曾打算以中藥抗癌,可惜事與願違,因錯過黃金治療期,令他要承受沉重「賭輸」後果,問如給他再選擇一次,他仍會考慮食中藥治病?他抱頭大叫:「唔會,會直接做手術,今次搵咗三個中醫去醫,但腫瘤就不停咁大,想點保住條脷都保唔住。」幸而現他稱其癌症已受控制,且發現身體,說話能力每天都有進步,故他打算以癌症患者身份出書去鼓勵同病相憐者,他說:「我諗住喺書展出本抗癌書。」

雖然洪朝豐靚聲及口才今非昔比,但身為中文大學新聞與傳播系畢業生的他,在讀大學時是「精英中的精英」,故中、英文水準超班,現不能靠口,惟有靠隻手,實行我手寫我心,除推出抗癌書外,還會推出小說:「呢本係自傳式嘅小說,我諗要一年先出到,要寫成8萬字,其實之前我都寫咗13個章節,不過停咗冇寫,小說故事會有我嘅影子。」另外,洪朝豐還透露本月30及4月1日會公開露面舉行座談會,他說:「當日會分享抗癌過程,以過來人嘅身份安慰病患者,之後會再教打坐。」且他日後還會繼續開打坐班及唱歌,對人生依然滿希望。

----------------------------
東網巨星開咗ig喇,大家快啲follow啦!
https://goo.gl/KGuo2N



如果有得再揀多次,洪朝豐話唔會再以中藥抗癌,會直接做手術。


洪朝豐雖然依家靚聲同口才都今非昔比,不過佢都唔會再放棄自己。


洪朝豐仲想以癌症患者身份出書去鼓勵其他人。