即時新聞
 


東網巨星


桃花下跑3圈!牛雜妹分享破Dry秘技 (22:00)


「牛雜妹」李美琪(左起)、張敬仁及甄詠珊一齊到花店揀花。



【on.cc東網專訊】「牛雜妹」李美琪(Monnie)、甄詠珊(Carisa)及張敬仁(Kendy)齊齊到花店揀花,Monnie指家人經營的粉麵店歲晚時期生意較忙,大嘆只可以在店內看客人買的年花。Carisa即笑她與糖水舖太子爺拍拖:「唔緊要,今年情人節同農曆新年好近,你叫男朋友送晒成間花店啲花畀你咪得囉!」想不到Monnie竟訴說從沒收過男朋友送的花,自己亦沒有在情人節要求過收花:「我怕期望太高會失望,加上今年年初一(2月16日)係我生日,又同情人節差兩日,唔知慶祝邊樣就全部都唔慶祝。(應該全部都慶祝?)會使好多錢,我比較鍾意喺屋企簡簡單單。」Kendy加入取笑Monnie,直指吃甜品不用很多錢:「你唔好呃我哋喎!」Carisa亦笑言Monnie可以一次過「甜晒佢」,不過要走糖以免太肥。

Monnie透露去年圍繞大桃花跑了3個圈,結果真的找到男朋友,Kendy也坦言圍繞桃花陣跑3個圈後多了追求者:「今年我同Carisa去跑!等啲桃花開晒,我哋去跑幾個圈就得。」Monnie得戚說:「側邊兩位就努力吓!桃花都可以對人緣有幫助,唔單只愛情,始終做呢行人緣都好緊要,識多啲人都幾好!」Carisa自爆有人追,但要拒絕爛桃花:「隨緣啦,一棵正桃花就夠。」她指爸爸、媽媽很喜歡花和盆栽,每次收到粉絲送的花都會帶回家氹父母開心:「佢哋新年嘅行程就係買花,我唔擔心屋企冇。」

化妝:WingKee make up
服裝:Lookatme
場地:Blake McBlack



牛雜妹(右)舊年在桃花樹下跑3圈就搵到男友。


甄詠珊自爆有人追,但拒絕爛桃花。


三位靚女齊齊恭祝大家。