即時新聞
 


東網巨星


咁謙呀?馬國明冇諗過同心穎一齊攞獎 (18:31)


馬國明話一定撐心穎!



【on.cc東網專訊】藝員馬國明、袁偉豪等到將軍澳電視城出席《萬千星輝頒獎典禮2017》提名名單公布記者會,馬國明憑《降魔的》入圍「最佳男主角」,而袁偉豪則憑《使徒行者2》與馬國明爭視帝。被指是視帝大熱的馬國明獲現場大批藝員支持,同劇的謝雪心、何遠東亦落足力為他拉票,而同場更有女友黃心穎,令二人戀情成為話題,在台上被司儀問到會否替入圍「最佳女主角」的心穎拉票?馬國明笑言:「出年啦!出年《深宮計》啦!」

講到心穎「升呢」爭女主角,馬國明表示:「我一定支持佢,幫佢拉票,記得投票畀黃心穎啦!其實佢都咁新,有得提名女主角都好叻,係好好鼓勵,唔使咁大壓力,有時有冇獎拎都要睇運氣,當係一個騷,畀觀眾睇得開心。(諗過同心穎一齊拎獎?)咁又冇喎,如果有獎拎當然唔抗拒。」

被問到講到有否信心拎視帝?馬國明說:「都係平常心,今年都幾難捉,好多人都有機會,好似王浩信、苗僑偉、蕭正楠、陳展鵬,同埋我身邊嘅袁偉豪,佢BODY好正,就算係男人都覺得吸引!」袁偉豪聞言笑說:「我唔係靠呢啲!」問到最大勁敵是否「新加坡視帝」王浩信?馬國明說:「浩信『盲俠』個角色好特別,亦睇到佢進步好大,由《EU超時任務》到《不懂撒嬌的女人》到盲俠一直進步。(對自己冇信心?)又唔係冇信心,係平常心。」而袁偉豪被問到信心如何?他則說:「自己應該係第一次入圍男主角,信心一般般,我睇好馬國明、王浩信同苗僑偉,《使徒行者2》唔係有苗僑偉就冇我哋呢班臥底出現,所以佢角色好重要。」



真係盡在不言中喇!


黃心穎


黃心穎