即時新聞
 


東網巨星


葉梓嵐分享KOL成功秘訣:當佢哋係朋友 (04:15)


齊齊分享做KOL嘅秘訣。



【on.cc東網專訊】不少模特兒都經常在網上玩Live,爭取跟Fans見面的機會,又可提升人氣,近日模特兒葉梓嵐(Karen)、鍾曦南(南南)及莊彩玲(彩彩)出席活動,獲頒KOL大獎,證明她們玩Live夠勤力又深得網友喜歡!

Karen雖然身型嬌滴滴,但擁有E Cup胸器,而且非常健談,一向是網民寵兒,講到做KOL的成功秘訣,她說:「要要好努力build up自己嘅粉絲群,直播多啲等多啲人認識我,要夠堅持同埋要有自己風格,我覺得做KOL係好講觀眾緣,大家選擇嚟睇我係唔容易,所以我都好珍惜支持我嘅Fans,例如我去旅行都會買小手信畀佢哋,寄明信片寫吓去旅行嘅點滴,當佢哋係真正朋友咁。」

「細粒版Angelababy」的南南擁有甜美笑容,她表示很高興得獎,多謝Fans支持,問到平日開Live通常會做甚麼?她說:「會同大家分享生活趣事、旅行同工作,好多人都想知Model做咩,仲有要掌握潮流資訊,介紹下產品,唔好用都會照講,同埋網上平台啲相要夠光夠Sharp,無論影人、影食物定產品,有靚相自然會多人睇。」

至於彩彩表示今次是第一次參與此類型比賽,心情相當緊張,講到贏獎心得,她笑言靠勤力:「我好努力玩直播,玩得比較多,我會唱歌、同Fans傾偈,但就冇特別行性感,自然就好。」



南南就覺得掌握潮流資訊好緊要。


Karen話去旅行都會買小手信畀粉絲。


左起:鍾曦南、莊彩玲、葉梓嵐