即時新聞
 


東網巨星


幫得就幫!苗僑偉避談借咗幾多畀金剛 (22:24)


苗僑偉講心唔講金。



【on.cc東網專訊】藝人苗僑偉(三哥)及許紹雄(Benz雄)於深圳出席新劇《使徒行者2》開播發布會,二人笑言因第一集對手戲不多,故要求老闆開拍第二集,但Benz雄搞笑說:「其實(第二集)都唔多,第三集先多。」三哥被司儀問到於泰國拍攝趣事時,他笑說:「最辛苦係我,佢係歡喜哥,嘻嘻哈哈就可以收工。」

Enjoy拍劇

接受訪問時,問到三哥拍攝有否感到辛苦?他說:「辛苦依家都唔記得。每一套劇嘅拍攝過程都會遇到困難同有時有啲阻滯,有問題要解決。舊年10月去泰國開機,大家知嗰度啲天氣又熱,着西裝走嚟走去,都幾熱。但時間好快過,拍攝嘅時候係享受過程,就唔會覺得痛苦。拍完一年依家就出街,大家最開心就係呢個時刻,期待呢一套戲嘅成果。」

唔怕影響香港收視

提到2014年首集《使徒行者》收視不俗,他表示今次無綫與內地網站合作同日播出,對新一輯依然有信心:「觀眾層面廣咗好多,唔止香港觀眾。有信心因為加咗好多其他演員落去,佢哋係好有心做得好好嘅實力演員,佢哋嘅表演係令我耳目一新,今輯會係另一番景象。」至於會否擔心內地網站VIP觀眾可以率先一次睇10集,令劇情流出而影響香港觀眾追看性,他謂不會擔心,因香港觀眾未能看到,即使劇情外洩都會睇番,所以問題應該不大。

對於金剛日前接受東網訪問時,透露之前經濟出現困難時,三哥借錢給對方度難關,他說:「大家咁熟,我睇住佢由台灣過嚟香港發展,合作第一部《學警狙擊》開始,佢有困難需要幫助,我覺得能範圍可以幫到就幫。(借咗幾多?)唔講啦。」



苗僑偉同許紹雄玩到傻。


好老友咁。


苗僑偉