即時新聞
 


東網巨星


胡鴻鈞冇魄力唔學陳豪做「肌」佬 (05:45)


陳豪呢身肌肉,少啲魄力都唔掂。



【on.cc東網專訊】歌手胡鴻鈞(Hubert)到電台受訪,見他有點疲倦,他透露凌晨四點才拍完劇集《誇世代》,其戲份終於煞科。之前他忙於拍劇,同時拍攝《棟仁的時光》及《誇世代》,其中兩個角色都很不同,他在《棟》的角色是年青有為的年輕人,但因一些事而被打沉,而《跨》就是飾演有特別癖好的富二代,問到同時拍兩劇可會精神分裂?他謂:「還好,就係因為分別太大,所以唔會混淆。」拍劇經驗不多的他亦謂未試過同時拍兩劇,今次令他獲益良多,可以跟很多前輩合作,如歐陽震華、陳豪、田蕊妮等,講到陳豪為新劇操肌,他謂:「係呀,我有時會喺隔籬聽到佢同張繼聰交流健身心得,但我真係冇佢哋嘅魄力。」他亦謂拍劇經常食消夜,而且沒時間做運動,以致最近肥了,故之後要keep番。

工作為先唔講拍拖

講到其新歌《朋友身份》,他開心表示沒想過反應會幾好:「之前一直拍劇冇時間宣傳,但估唔到首歌喺網上點擊率都有60幾萬,幾surprise。」講到此曲內容,他表示講述男仔喜歡女仔,用過不同方法去追,但女仔只想保持好朋友關係,男仔的心態由期待變做有怨言,到最後終睇化做朋友較好,問到可是其親身經歷?他謂:「唔係,係讀書時朋友同我訴苦分享。(因為你次次都成功?)唔關事,只係我真係少女仔朋友,入行後都冇刻意擴闊異性朋友圈子。」講到現時感情狀況,他謂:「仍然係有待同大家update,依家真係想focus工作先,冇時間諗感情方面。(但同公司嘅何雁詩同鄭俊弘都有時間拍拖?)人哋嘅嘢唔講,我依家就想做好工作先。」



Hubert近期連拍兩套劇,忙到不得了。


雖然忙拍劇搞到新歌少咗宣傳,但係網上反應都好開心,Hubert都話好開心。


Hubert話依家專心工作,感情事就唔諗住。