即時新聞
 


東網巨星


黃穎君晒廚藝煮「超時空鴨腎」孝敬父母 (05:16)


有創意!



【on.cc東網專訊】藝人黃穎君(Burmie)在大熱劇集《超時空男臣》中,扮演鳳鳴居酒家第二代傳人,劇中講述她廚藝了得,現實中的她雖然尚未擁有一級大廚的功力,但正慢慢鑽研廚藝,日前更膽粗粗入廚,試煮一味「滷水鴨腎」,她說:「其實我主要係想煮畀爸爸媽媽食,因為我哋一家人都鍾意食滷水嘢,不過媽咪嫌我啲鴨腎切得太厚,咁又係,煮得嘢食畀心愛嘅人享用,都要代入佢哋嘅處境,爸爸媽媽年紀大,牙力點會好似後生咁好?切番薄少少係好啲嘅!今次我又儲多咗經驗值,希望下次再煮呢味『超時空鴨腎』會有進步,希望唔使等太耐就可以再煮,唔使好似等返明朝等咁耐啦!」

Burmie近日為big big channel「明星麻雀王大賽」擔任旁述,日前巧遇一班《超時空男臣》演員,她說:「曹永廉、何廣沛、王君馨同蝦頭(楊詩敏)都上咗嚟打麻雀,雖然阿廉嗰日打完麻雀,要即刻趕去佛山接《大帥哥》嘅05通告,但一啲都冇受影響,牌章好犀利,唔知同佢喺《超》劇度飾演進士出身嘅左光斗有冇關係?雖然佢哋好兄弟蕭正楠冇嚟,令佢哋三個缺一個,但嗰晚網民反應都好熱烈,累積人數仲突破5萬人!有啲網友仲問我係咪大妹(田蕊妮飾演)嘅媽咪,真係好眼利!」



「超時空鴨腎」嘅材料必定有鴨腎。


放晒入去滷番一段時間。


跟住攞出嚟切片。