即時新聞
 


東網巨星


激情!鼎爺譚玉瑛廚房齊獻Sing (18:17)


鼎爺同譚玉瑛姐姐Mix & Match~絕配!



【on.cc東網專訊】藝人李家鼎之前同譚玉瑛一齊主持嘅無綫節目《阿爺廚房》大受好評,所以嚟緊又有新一輯,上年佢哋就齊齊大開金口,唱咗首聖誕串燒歌為節目宣傳,唔少網友睇完都大嗌估你唔到。既然有新一輯《阿爺廚房》,佢哋當然要再開金口唱多一次啦!今日無綫嘅官方Facebook專頁「myTV SUPER」就上載咗一段佢哋唱歌嘅短片。

出身於兒童節目嘅譚玉瑛就拎番當年Hit爆兒歌界嘅《夏日熱辣辣》同李家鼎一齊大玩freestyle。李家鼎同譚玉瑛齊齊戴咗串花唱歌,扮晒夏威夷風情,成個夏天嘅感覺出晒嚟!睇到都覺得佢哋激情呀!李家鼎一邊唱歌,一邊展示佢嘅古法烹煮技術,佢嘅內功加埋後期製作,認真冇得輸。

之後李家鼎仲同譚玉瑛拎住個牌喺度扭嚟扭去,果然夠晒投入。估唔到李家鼎平時咁霸氣,唱起歌嚟都可以咁可愛。有唱歌,當然唔少得跳番Part舞,雖然唔係勁歌熱舞,不過見到李家鼎戴住一頂黃色嘅闊邊帽,再加埋佢嬌俏嘅表情,都有番咁上吓睇頭㗎!唔少網友都話估唔到李家鼎有咁鐵漢柔情嘅一面,而譚玉瑛嘅歌喉都引起唔少網民嘅討論,仲問佢打算幾時出碟做歌手。

網民有話兒:
Pxxx Tx Yx:李家鼎同譚玉瑛姐姐嘅freestyle,真係不得了!
Cxxxxxx Lxx:嘩!譚玉瑛姐姐唱歌,我都真係第一次聽。
Axx Fxx:李家鼎真係好正,好嬌俏呀!!!!笑死我!!!
Tx Txxxx:又有好嘢睇!!



譚玉瑛姐姐罕有獻Sing!


一齊Jam過!


鼎爺好可愛呀!