波經
 



即場短訊


排骨謙:我想做杜奧巴

【on.cc東網專訊】唔止足球睇波,仲有24小時滾動賠率,即時體驗:https://bit.ly/2UmNL0L 車路士小將譚美阿巴謙今季結束外借生涯,重返藍戰士懷抱立即受到主帥林柏特重用,21歲嘅佢成為主力箭頭,至今射入4球,謙仔近日接受訪問時提到,自己會以偶像杜奧巴為目標,帶領球隊成功,希望今季入波唔會少過上季喺阿士東維拉嘅26球。譚美阿巴謙表示,自己成長過程中,係睇住杜奧巴踢波成長嘅,佢話:「一講起杜奧巴,實在有太多故事可以同大家分享,我一直以佢為榜樣,佢係嗰種對入波充滿渴望嘅球員,佢身上嘅特質係我最想擁有嘅,所以依家我能夠效力車路士,追隨偶像嘅步伐,係一件美妙嘅事情。」謙仔想做杜奧巴,但見佢成身排骨,明顯係鋼條型,衝刺力方面有待改善,睇嚟要食番肥啲先得噃。立即參加「賞您睇」: https://tinyurl.com/y2e6pmwk Click下面粒掣,儲on.cc coins!機票、家電、超市禮券、過萬份獎品等緊你。


 輸得起!香港網球隊砌中華台北未驚過

 美斯休戰 阿根廷有球員戴帽