波經
 



即場短訊


【有片】英軍窩心英雄!史達寧恐怖數據

【on.cc東網專訊】諾域治中鋒迪姆普基,今季球會連國家隊賽事6場入7球,本身係全歐最有效率射手,但史達寧一出誰與爭鋒,以實際行動證明自己先係歐洲最佳!呢名曼城翼鋒勒都勒唔住,於英格蘭贏科索沃5:3一戰,貢獻1個入球、3個助攻,今季所有賽事7場入8球,仲要造出4個助攻,唔怪得有球評家,搵佢同美斯相提並論!史達寧今季勒都勒唔住,幾乎場場都做主角,7場賽事入面只得1場冇波入,非常誇張。社區盾鬥利物浦先開紀錄,英超開咧戰對韋斯咸「戴帽」,之後對熱刺同般尼茅夫都有「士哥」,僅對白禮頓交白卷。之後為「三獅兵團」鬥保加利亞同拜索沃,佢首仗貢獻1入球、1助攻,之仗為英軍扳平之餘,仲於上半場交出3次助攻,演出可以用完美嚟形容。今戰賽後修夫基勁讚史達寧:「呢2場佢踢出世界頂級水準,根本無人能擋。佢依家踢法好成熟、好有智慧,知道晒對手後衞喺邊,知道幾時要扭過對手,有鬥心、有視野去爭取入球,加埋完全唔自私,我再搵唔到合適嘅詞彙去讚賞佢。」史達寧好波之餘仲勁有品,今場賽事耐心為球迷簽名同影相,其中一個小球迷希望要佢對砵,史達寧毫不猶疑除嚟送畀佢,呢個小朋友肯定成世記得呢個「英軍窩心英雄」!立即參加「賞您睇」: https://tinyurl.com/y2e6pmwk Click下面粒掣,儲on.cc coins!機票、家電、超市禮券、過萬份獎品等緊你。


 港超聯 富力R&F繼續用燕子崗

 換血征泰國 香港男籃為亞洲盃練兵