波經
 



即場短訊


爭取表現盼入港隊 劉浩霖逆轉命運

【on.cc東網專訊】「我想爭取多啲出場機會,始終已經26歲,我想入香港隊,如果再冇正選,點樣畀到表現人睇呢?」今季從東方龍獅外借加盟冠忠南區的劉浩霖說道。26歲正值球員黃金年齡,能否成功只一線之差。人生,有人甘於平淡,向現實低頭,但亦有人不信宿命,誓要跟它對賭。■圖/文:陳焌鏗《孫子兵法.虛實》有云:「水因地而制流,兵因敵而制勝。」從東方龍獅轉投冠忠南區,轉變可不只是球衣顏色,「阿霖」從熟悉的中場中,走到陌生的右中場。變化或比預期大,但「阿霖」不惜氣力地跑動的踢法依舊不變:「我覺得好適應,本身嚟到南區以為唔啱踢,加上又有Philip(陳肇鈞)、狄卡奧、川瀨浩太。但Ricky(冠忠南區主教練鄭兆聰)將我改造成右中場,畀多啲機會同自由度我,佢想我多啲跑動去拉扯對手防線,亦可以入楔又可以攞波,目前都幾好!」學習小白「犧牲」態度西班牙中場大師恩尼斯達說過:「一場毋須犧牲的勝利,的確讓人享受,但若然你曾克服過困境,滿足感會更大!」視「小白」為偶像的「阿霖」,不單把偶像紋在左手手臂上,連態度也深受對方影響。正是這份為足球犧牲的態度,使「阿霖」迅速獲「Ricky」信任:「開操前我去咗打泰拳,通常我抖暑都會打,始終運動量大,好快幫我操番弗,修咗身跑起上嚟都冇咁辛苦!」然而運動員體能會隨年紀增長有所下降,「阿霖」也深明這個道理,渴望蛻變成技術型球員,就像恩尼斯達一樣:「我依家會留意多啲有經驗嘅球員點樣攞波、踢波,盡量減少跑動,令自己嘅走位好啲,保留體力應付全場!」望蛻變成技術型中場為成功轉型「食腦型」中場,「阿霖」更向一眾前輩請教:「『傻邦』(梁振邦)係一個好好嘅學習對象,始終佢喺頂級聯賽咁多年,又踢過中甲,所以喺佢身上都學到好多嘢。其次就係『嘉緯』(林嘉緯),上年練完波嗰陣佢都會教我一啲細節位要點做。」如文首所言,「阿霖」視入選港隊為目標,明白到要先在球會站穩陣腳:「始終依家競爭大,惟有做好自己爭正選,畀到表現人哋睇。」過去「阿霖」亦有代表大眾口中的「B隊」出戰省港盃及港澳埠際賽,但他不甘於此,盼以「大港腳」角色亮相國際舞台:「可能我入球率唔高,令人覺得我冇乜表現,嚟緊要爭取入多啲波!」


 恥辱!美國男籃世界盃8強出局呀!

 專欄輪住嚟 新球季新挑戰