波經
 



即場短訊


【東體爭議】渣古意甲入波多過C朗?

【on.cc東網專訊】祖雲達斯連續8季稱霸意甲,「斑馬兵團」於聯賽難尋對手,今季國際米蘭來勢洶洶,可唔可以做攔路虎呢?國米今季搵嚟干迪做領隊,並引入盧卡古同阿歷斯山齊士,實力大幅提升;盧卡古頭2場聯賽都有波入,上季C朗喺聯賽「只」入21球,渣古今季嘅意甲入球,會唔會壓倒C朗?祖雲達斯實力冠絕意甲毫無爭議,但球隊中前場個個射得,進攻非常立體,故上季祖記38場共入70球,C朗入21球已經鶴立雞群,拋離次席射手文迪蘇傑12球。今季沙利初來甫到,祖記進攻方面唔會有太大分別,C朗一樣擺喺邊路位置,正箭頭由希古恩負責。國米方面就打盧卡古同拿達路馬天尼斯雙箭頭,戰術比較簡單,干地好倚靠渣古去撞散對手防線,並憑佢過人能力取得入波。盧卡古係國米第一中鋒,如果冇傷冇病必定正選,以佢卡士面對意甲後防,相信聯賽入球可突破20大關。渣古入球數字大有機會壓過C朗,但祖記始終人腳最佳,而且球員一踢聯賽就充滿信心,簡直係贏慣贏熟;國米雖然戰力有所提升,但今季要挑戰祖記霸權似乎未係時候,若今季可以擊倒拿玻里攞亞軍,已係有晒交代。立即參加「賞您睇」:https://tinyurl.com/yxa3a8z8 Click下面粒掣,儲on.cc coins!機票、家電、超市禮券、過萬份獎品等緊你。


 【有片】球迷跪求C朗合照 結果係點?

 等扭耳仔啦!基沙文12碼宴客竟然賴佢