波經
 



即場短訊


又變?迪基亞續約依家搞成咁

【on.cc東網專訊】續約變變變呀!早幾日英國《太陽報》爆出,話曼聯嘅西班牙門神迪基亞最終決定唔同「紅魔鬼」續約,實行等出年夏天自由身簽約加盟祖雲達斯,去同C朗做隊友咁話。不過,今日輪到一向公信力較佳嘅《衞報》出手,佢哋話呢位28歲門左思右想之後,又決定同番曼聯續約,而且雙方商討進展勁理想,迪基亞份新約周薪將會去到29萬鎊,喺智利球星阿歷斯山齊士離隊之後,迪基基將會拍住保羅普巴成為曼聯陣內最高薪球星!迪基亞由2011年加盟曼聯至今,為球隊已經效力8季,出場366次,贏過英超、足總盃、聯賽盃、歐霸盃。上季開始,呢位西班牙門神表現稍見下滑,不過講到底,佢始終都仲係世界級門神,家陣如果推出市場,外間估計至少都值8,000萬鎊。有唔少球迷質疑迪基亞上季跌Watt其實係同分心續約問題有關,希望依家真係搞掂一切,可以畀番曼聯球迷以前神救不絕嘅迪基亞啦!立即參加「賞您睇」: https://tinyurl.com/y2e6pmwk Click下面粒掣,儲on.cc coins!機票、家電、超市禮券、過萬份獎品等緊你。


 世盃外 球迷上大球場 邊行邊嗌口號

 神秘的三角 砌低陳金城朋友隊