波經
 



即場短訊


細路球迷梳乎煲煙 爆球場千古奇案!

【on.cc東網專訊】食煙當然唔係件好事,細路仔都識講「吸煙危害健康」啦。但喺發展成熟嘅國家,食煙始終以成年人為主,小朋友喺公眾地方吸煙唔算太多。但近日於土耳其球場內,影到兩個細路球迷坐埋一齊,其中一個好老積咁煲煙,手勢非常純熟,個樣勁悠然自得。當地網民睇唔過眼、希望起佢底令起其父母留意,但原來呢個「細路」已經36歲,隔離嗰個就係佢個仔!呢場波係土耳其超級聯賽貝沙主場對費倫巴治,貝沙最終贏2:1,喺比賽過程中,直播鏡頭影到去觀眾席上,見到2個小朋友着住主隊波衫、帶住貝沙頸巾為愛隊打氣,其中一個梳蛋撻頭、表面睇起嚟10歲唔夠嘅小朋友,竟然瘋狂扯煙,嗰種熟悉程度,睇到佢係吸煙老手。雖然呢個鏡頭一閃即逝,但都引起全國注意,喺網絡大動員下,好快就搵到呢位「細路」,佢名字叫Cocuk,原來已經36歲,當日就係帶住兒子入場睇波,估唔到一夜成為紅人。Cocuk橫睇掂睇都唔似成年人,依家仲要話年近40有個仔,唔少當地球迷都大嗌接受唔到,話係「奇幻逆緣」(畢彼特主演嘅荷里活片,講主角愈活愈後生,到去世時變番小童)!立即參加「賞您睇」:https://tinyurl.com/y2e6pmwk Click下面粒掣,儲on.cc coins!機票、家電、超市禮券、過萬份獎品等緊你。


 主教練離隊 東方龍獅簽NBL決賽MVP

 世盃外 球迷上大球場 邊行邊嗌口號