波經
 



即場短訊


續到約都要減人工 利迷要同佢講拜拜?

【on.cc東網專訊】利物浦今夏冇斥巨資買人,今季用番上屆歐聯冠軍人腳爭標,其中一個最大原因,係球隊想用原本買人「畢值」,去為球員加薪續約,以保留冠軍班底。最新傳出將會續約嘅係中堅祖爾麥迪比,預計佢起碼會留隊留到2021年;不過通天老倌、利迷寵兒占士米拿仲未同球會開始傾,大有機會於季尾約滿離隊。今年33歲嘅占士米拿,係球隊副隊長,而且近年出場機會甚多,佢係球隊12碼創子手而且打法拚搏,仲要可以串演左閘,堅係好使好用,對高普調動極其重要。不過占士米拿份約到出年夏天就完,早前占士米拿就講過,球會向佢表示依家仲未時候傾新約;但一眾主力如佐敦軒達臣、穆罕默德沙拿、沙迪奧文尼、阿歷山大阿諾特、安德魯羅拔臣、羅拔巨法明奴、阿歷士張伯倫等都續咗新約嘅時候,紅軍對占士米拿遲遲未有表示,好可能球會無意同呢名前英格蘭國腳續約。據《每日鏡報》報道,就算最後利物浦畀新約,占士米拿亦冇可能搵得番現時嘅12萬鎊周薪。講番祖爾麥迪比,原本佢同占士米拿一樣到季尾完約,球會現有意同佢再續多1年;之後利物浦就會同中場韋拿杜姆傾續約,呢名荷蘭國腳狀態一流,近2場國際賽都有波入,相信會獲得加薪。立即參加「賞您睇」:https://tinyurl.com/yxa3a8z8 Click下面粒掣,儲on.cc coins!機票、家電、超市禮券、過萬份獎品等緊你。


 香港隊 鄭兆均:希望繼續入選大港腳!

 世盃外 香港隊兩球不敵「亞洲一哥」