波經
 



即場短訊


為咗離開阿仙奴 米希達利恩可以去好盡

【on.cc東網專訊】英超係全球最受歡迎聯賽,阿仙奴亦係當中勁受歡迎球隊,來自全球唔少職業球員都肯定想加盟「兵工廠」搵食。不過,對於來自阿美尼亞嘅中場球星米希達利恩就係另一回事,早前落實由阿仙奴外借去羅馬嘅佢,近日受訪自爆,原來為咗逃離「兵工廠」,佢犧牲勁多,包括收少接近一半人工,而佢喺應承去羅馬之前,甚至連錢都未傾過,決心超驚人呀!MK恩解釋番自己點解咁想走:「嗰日我收到經理人電話,我覺得係個好機會,我好想走,所以我連錢都冇同佢哋傾過,就落實外借。」30歲嘅米希達利恩,由曼聯轉投阿仙奴後,一直表現反覆,加上受到傷患影響,始終踢唔出當年喺多蒙特獲選德甲最佳球員嘅演出。呢位阿美尼亞球星之後補充:「可能係我唔適合英國波啦,所以我諗轉變會係好事。我喺阿仙奴最後一個月根本完全唔開心,因此我認定去羅馬會係件好事。我想踢番波,搵番快樂歡欣。」立即參加「賞您睇」: https://tinyurl.com/y2e6pmwk Click下面粒掣,儲on.cc coins!機票、家電、超市禮券、過萬份獎品等緊你。


 又攞一獎 美斯要同球迷抱抱

 全球最貴球隊係佢哋 PSG都要行埋一邊