波經
 



即場短訊


加歷查醒高普:利物浦有佢勁上加勁!

【on.cc東網專訊】利物浦前副隊長加歷查,認為目前紅軍實力雖然強,但如果要再提升層次,就需要買1個進攻中場,故提議高普考慮李斯特城中場占士麥迪臣。呢名22歲英格蘭U21成員,上季已經表現一流,仲傳過曼聯希望以6000萬鎊收歸旗下,加歷查認為佢創造力強,可令利物浦進攻更有侵略性。占士麥迪臣早前曾入選英格蘭國家隊,但仲未有機會落場,加歷查睇好佢未來非池中物:「占士麥迪臣係目前非Big6球會入面嘅可造之才,我認為利物浦應該多加留意佢。有利迷想菲臘比古天奴回歸,但佢已係拜仁球員,如果未來紅軍想買英超球員,占士麥迪臣係個好選擇。無錯佢身價好高,但以佢嘅天份同實力,未來可以帶領利物浦去到更高層次。」占士麥迪臣剛啱為李斯特城作客車路士,佢喺中場光芒四射,多次妙傳劏穿車仔防線,仲開靚角球助攻畀尼迪迪入波扳平,賽後被選為最佳球員。立即參加「賞您睇」:https://tinyurl.com/yxa3a8z8 Click下面粒掣,儲on.cc coins!機票、家電、超市禮券、過萬份獎品等緊你。


 不再孤寒 奧巴美揚獲加薪續約

 【唔係化】高普:考慮未來2、3年退休