波經
 



即場短訊


國米神鋒有肥安李度納度爭搶

【on.cc東網專訊】意甲國際米蘭近日有比利時中鋒盧卡古加盟,「藍黑兵團」球迷梗係開心,但原本係球隊首席射手嘅莫路伊卡迪,就要執定包袱走人,家陣就要為去向諗諗。當然,呢個阿根廷射手始終都係射利出色,正所謂「皇帝女唔憂嫁」,至少包括羅馬、拿玻里同巴黎聖日耳門等意法頂級球會都爭住接手,其中拿玻里主帥安察洛堤同PSG總監李安納度據報都親自打電話畀伊卡迪,認真誠意十足呀!盧卡古加盟國米之後,即刻搶咗莫路伊卡迪件9號波衫,國米都話明唔要佢,走人係一定。本來連意甲班霸祖雲達斯都有意斟佢,只係佢哋喺出售陣內保羅戴巴拿一事反反覆覆搞唔掂,所以依家應該唔會爭。至於拿玻里就出動到「肥安」用電話邀請。消息話「肥安」親口同伊卡迪解釋將來會點用佢,強調佢喺球隊超強重要性,但唯一問題係伊卡迪個老婆兼經理人幫佢開價800萬歐元年薪,令到拿玻里暫時仲未得手。相比起嚟,羅馬就疏爽得多,願意提供一份年薪加獎金達900萬歐元嘅合約,可惜係羅馬因為冇份踢歐聯,只能踢歐霸盃,亦令到伊卡迪有多少猶疑。另邊廂,原來法甲PSG同摩納哥據報都對伊卡迪感興趣,其中PSG都已經搵到李安納度出面邀請,呢張誠意牌應該都會為佢哋搶到唔少分數。嚟緊伊卡迪會去邊,真係會有好戲睇呀!立即參加「賞您睇」:http://bit.ly/2JWKULh Click下面粒掣,儲on.cc coins!機票、家電、超市禮券、過萬份獎品等緊你。 


 「利物浦必比上季退步」 利迷點睇?

 夏薩特喺皇馬有排捱 西媒:懶到出汁!