波經
 



即場短訊


馬古尼=VVD 摩連奴:曼聯遲簽咗1年!

【on.cc東網專訊】延伸閱讀:【紅魔救星】哥帥怕咗馬古尼:曼聯可爭標https://bit.ly/2OSN2Hb 曼聯於英超新季首仗,主場4:0大數車路士,新後防領袖哈利馬古尼表現一流,睇到佢已迅即成為紅魔鬼後防大佬。前曼聯領隊莫連奴盛讚馬古尼穩如磐石,指執行副會長艾活華特若肯早1年買佢,紅魔上季就唔會有個災難性開季。利物浦名宿桑拿士認為,馬古尼就係曼聯嘅華基爾雲迪積克,唔通曼聯真如哥迪奧拿所言,今季有力爭標?曼聯新季第一場表現一流,錄得7次解圍、4次攔截、2次阻擋射門,全為全場最高,傳球成功率高達86%,帶領曼聯完勝車路士4球。馬古尼率領嘅後防令曼聯煥然一新,球隊於呢名英格蘭國腳中堅加持下,無論防守力、組織力大為提升,賽後被選為球賽最佳球員。現時為電視台講波嘅摩連奴激讚馬古尼:「佢絕對值得被選為今仗最佳球員,佢喺後防穩如磐石。無論係戰術理解能力、個人性格、閱讀比賽能力都非常好,而且佢時刻保持警覺,並顯得信心十足。佢籍直係一流,佢令到其他隊友好有信心,有佢喺度唔使再怕輸死球。於馬古尼率領下,域陀連迪路夫都會踢得好咗。」被問到於帶領曼聯期間,摩連奴想唔想同馬古尼合作,寸王就話:「佢去遲咗曼聯1年!」上個夏天摩連奴好希望球會放水,收購一個世界級中堅,但曼聯死得唔肯,寸王到12月就因成績唔好被炒,呢句說話明顯係寸艾活華特。桑拿士亦大讚馬古尼:「VVD成功帶領利物浦升上另一層次,我認為馬古尼會對曼聯做番相同嘅嘢。曼聯呢個買人的確買得好,8000萬鎊亦物有所值。我都唔明曼城點解唔買佢。」延伸閱讀:【紅魔救星】哥帥怕咗馬古尼:曼聯可爭標https://bit.ly/2OSN2Hb 立即參加「賞您睇」:http://bit.ly/2JWKULh Click下面粒掣,儲on.cc coins!機票、家電、超市禮券、過萬份獎品等緊你。


 【紅魔救星】哥帥怕咗馬古尼:曼聯可爭標

 告別大師 史奈達正式掛靴