波經
 



即場短訊


利物浦中堅跪求紅軍 減轉會費畀佢過羅馬

【on.cc東網專訊】利物浦雖然於夏天轉會窗並冇買入球星,但查實陣中依然人才過剩,其中克羅地亞中堅洛夫雲,於英超揭幕戰就連後備名單都冇佢名。據英媒報道,佢自覺留隊再無前途,並不介意減薪希望轉投意甲羅馬,另外仲懇求紅軍降低其轉會費,等佢可以逃出生天。於鬥諾域治一戰,領隊高普搵華基爾雲迪積克同祖高美斯打正選,祖爾麥迪比就做後備,洛夫雲就慘到連後備都做唔到。今夏意甲AC米蘭同羅馬,一直密切注意住洛夫雲,早前就有傳利物浦定價2500萬歐元價錢,嚇走晒對洛夫雲有興趣嘅球會。據英媒表示,紅軍已將其索價減到2000萬歐元,但對現年30歲嘅洛夫雲嚟講,依然唔係低價錢,故有傳洛夫雲曾同紅軍高層會面,希望會方可收順啲。另外,洛夫雲500萬歐元嘅年薪,對羅馬亦太高,據知洛夫雲願意減薪嚟促成轉會交易。立即參加「賞您睇」:http://bit.ly/2JWKULh Click下面粒掣,儲on.cc coins!機票、家電、超市禮券、過萬份獎品等緊你。


 拜拜靴里拉 曼聯「新民選隊長」誕生!

 港超夢生死一季 陳瑋樂:跟唔上就轉行!