波經
 



即場短訊


拜拜靴里拉 曼聯「新民選隊長」誕生!

【on.cc東網專訊】新季英超曼聯有個好開始,主場4:0大勝車路士,呢個係自1965年以來,曼聯於頂級聯賽贏車仔嘅最大比數。今仗拉舒福特梅開二度,當福仔射入今仗嘅第3個入球之後,有位曼聯球員仲係好肉緊,大叫「我哋繼續再進攻」,佢就係中場博麥湯米尼。麥湯米尼上季開始得到好多上陣機會,去到今夏自動縮短假期加操,已經令魔迷對佢愈來愈有好感,鬥車仔一戰佢正選上陣,全場非常拚搏表現一流。當福仔射入梅開二度嘅1球後,成班曼聯球員喺角球旗附近慶祝,雖然已領先到3球,但當時鏡頭影到麥湯米尼依然瘋狂叫喊激勵隊友,唔少魔迷都睇到呢一幕,不斷於網上激讚呢位22歲球員,話球隊已好耐冇一個咁熱血嘅球員壓陣,仲話希望麥湯米尼未來可以做曼聯隊長。之前安達靴里拉一直被封為曼聯「民選隊長」,自呢位西班牙球員離隊後,睇嚟佢已後繼有人。立即參加「賞您睇」:http://bit.ly/2JWKULh Click下面粒掣,儲on.cc coins!機票、家電、超市禮券、過萬份獎品等緊你。


 雲比沙卡Vs阿諾特 英軍經典名宿咁樣揀

 利物浦中堅跪求紅軍 減轉會費畀佢過羅馬