波經
 



即場短訊


港超聯 楊賜麟:想踢多啲同入波

【on.cc東網專訊】上季港超聯冠軍和富大埔周五(9日)與愉園拍跳,大埔最終在補時階段失守,以0比1 敗陣。雖然大埔今場明顯以試陣為主,多名外援和主力均沒有上陣或僅踢半場。當中今季留效的楊賜麟卻差不多打足全場,賽後「賜B」表示:「希望今季可以出多啲場啦!」成為了愉園在季前熱身的「開齋隊」,「賜B」認為由於球員多個變動,需要時間磨合:「大家其實唔係好夾,有啲亂,完全畀唔到壓力對手。尤其係一啲年輕球員,可能經驗少啲,落到場好騰雞,要人哋嗌住,希望慢慢佢哋可以有進步啦!」至於自己的表現,「賜B」淡淡然道:「自己嘅體能同狀態暫時大約得70%,球隊開操前我自己都有操下同踼吓波,所以我唔太擔心。」在今場熱身賽中,被安排推前一格擔任防守中場的「賜B」表現輕鬆:「喺好耐之前其實已經踢過呢個位,球隊依家仲繼續試緊,我都唔肯定開季之後自己會踢咩位。」不過「賜B」補充謂:「『嘉諾sir』安排嘅新位置,如果佢要求我出擊多啲嘅話,自己都想喺呢個位置上發揮到,參與多啲進攻。」「賜B」更表示希望有所突破:「希望可以入吓波,我自己都唔記得幾耐冇入過波喇!」對於外界指大埔新季實力遠不及上季,「賜B」並不認同,他說:「我覺得足球喺踢整體,同埋『文輝』、『Michael』(即陸志豪)仲有『阿車』(即車潤秋)等等,都係非常有經驗同能力,絕對可以帶起隊波。」問到新一季目標,「賜B」認真回答:「首先一定想比之前踼得更多!同埋自己都三十歲,角色上開始要做番多啲提點年輕人嘅工作,同埋希望可以幫助球隊攞到好成績!」被問會不會有很大壓力,「賜B」尷尬地表示:「唔會啦!可能就喺因為自己多年嚟都喺冇壓力咁踼波,所以先一直浮浮沉沉……。」香港賽馬會青少年體育記者培訓計劃文:實習記者李浚�


 【賽後解碼】阿仙奴開季喜「揚揚」

 土生洋將回流香港 Adam:我會學廣東話