波經
 



即場短訊


【魔門戰】保方:我哋同曼聯五五波

【on.cc東網專訊】兩個月前歐聯16強抽籤,個個都話巴黎聖日耳門抽到好籤,曼聯對巴黎聖日耳門周二深夜開賽,兩隊情況唔同晒,PSG門將保方賽前感慨咁話:「足球好奇怪,抽到曼聯時,人人都話我哋上上籤,只係兩個月時間竟然出現咁大變化,依家我估只係五五波。」歐聯抽籤後,曼聯立即解僱摩連奴,看守領隊蘇斯克查上任後取得10勝1和,全體主力翻生,反觀PSG不但氣勢回落,今仗更殘陣應戰,尼馬、卡雲尼、梅尼亞受傷倦勤,拉比奧特雪藏,抽籤充滿自信嘅保方,依家都唔敢再牙擦。不過保方身經百戰,咩場面未見過,佢話:「同曼聯火併,我哋要展示自己強大一面,球員比賽態度最重要。」支持本地運動齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 


 再見女王!一面銅牌畫上20年生涯句號 

 世界30大球會 排榜首都係皇馬