波經
 



即場短訊


又有曼聯老兵做教頭 史高斯即日開工喇

【on.cc東網專訊】嗰邊廂,前曼聯前鋒蘇斯克查以看守領隊身份帶領「紅魔鬼」走出低谷,愈撈愈掂,人人讚好;呢邊廂,另一位前曼聯球星、跟住傳奇名帥費格遜大嘅史高斯,今日都正式展開佢領隊生涯嘅第一步,就係接掌英乙球隊奧咸喇!44歲嘅史高斯自細已經係奧咸球迷,今次佢同奧咸簽約年半,絕對係夢想成真。呢位前英格蘭國家隊中場名將今晚已經正式開工帶隊操練,只見佢落埋場一齊踢,班球員肯定獲益良多啦!奧咸班主拿沙加姆話:「奧咸好高興宣布足球壇傳奇史高斯成為我哋新領隊,佢喺足球界贏盡一切,佢係個可以帶畀我哋大量足球知識嘅人,佢喺管理層追求成功嘅熱誠,大家好快會見得到。眾所周知佢好熱愛呢間球會,同時極之渴望可以做到呢份工作,我實在好高興可以將佢帶入奧咸呢個大家庭。」奧咸依家喺英乙排14位,又睇吓佢有冇「蘇B」教波咁醒先!支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A 


 亞冠盃 朱Sir向好友陳清和收好料

 菁英盃 查維斯起孖!香港飛馬晉身四強