波經
 



即場短訊


曼聯復甦唔係大晒 迪基亞續約要搵呢個數

【on.cc東網專訊】曼聯今輪英超繼續神勇,雖然收起拉舒福特、連格同艾舒利楊格,作客一樣大數富咸3:0。自蘇斯克查上任帶隊後,紅魔鬼於各項賽事取得10勝1和,球隊全面復甦,陣內球員個個生龍活虎,更衣室氣氛比摩連奴執教時代大有改善。但復甦歸復甦,人工幾時都係最重要,門神迪基亞同曼聯傾續約就企得勁硬。據英國《每日鏡報》報道,呢名西班牙鋼門要求35萬鎊周薪,如果曼聯唔肯滿足要求,就會離隊他投。迪基亞認為自己於球隊嘅表現同重要性,絕對值呢個價錢---當阿歷斯山齊士搵緊40萬鎊一個禮拜嘅時候,相信唔少魔迷,都會認同迪基亞嘅諗法。迪基亞同曼聯份約,本身到本季尾就完,但曼聯早前啟動續約多一年嘅條款,迪基亞起碼會留隊到2020年夏天。但曼聯當然希望迪基亞長留隊中,據報會方認為35萬鎊周薪太辣,將會繼續同迪基亞討價還價。支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A 


 愛華頓頹到點?連Google都寸佢哋!

 【賽後解碼】曼城炒車 因為哥帥一句話