波經
 



即場短訊


愛華頓頹到點?連Google都寸佢哋!

【on.cc東網專訊】愛華頓近期愈踢愈頹,今輪英超作客不敵屈福特0:1,近6仗輸5場,已跌到落積分榜第9位,而於英足盃亦輸畀英冠仔米禾爾2:3出局。愛華頓近年於轉會市場大手買人,之前有基菲爾施古臣、米高堅尼、比克福特、朗尼、禾確特,本季有李察利臣、安祖高美斯、耶利文拿、盧卡斯迪治尼,球會擺明係想殺入前六爭歐洲賽資格,但依家離目標愈走愈遠,領隊馬高施華已聞到魷魚香,據報拖肥有意搵前智利國家隊領隊、依家帶列斯聯帶到曉飛嘅狂人領隊比爾沙執教。愛華頓成績差勁,唔少球迷都大失所望,原來於搜尋引擎Google眼中,愛華頓更加係不幸遭遇、傷感嘅代名詞。於Google度求英文Woe嘅解釋,Google竟用愛華頓作為例子:「the Everton tale of woe continued」(愛華頓繼續他們的不幸遭遇),拖肥嘅失望戰績,已經勁到成為範例。支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A 


 朗尼又背妻溝女 夜店親密短聚三粒鐘

 曼聯復甦唔係大晒 迪基亞續約要搵呢個數