波經
 



即場短訊


朗尼又背妻溝女 夜店親密短聚三粒鐘

【on.cc東網專訊】朗尼幾時先肯生性?呢名前英格蘭隊長去到美職搵食,日前隨華盛頓聯隊去到佛羅里達州展開季前操練,但難得遠離妻子麥露蓮,玩家朗尼又身痕,夜媽媽撇低一眾隊友,單獨上咗一名32歲吧女座駕,去夜店短聚到凌晨2點半!朗尼雖然年紀唔細,但18個月前先瞞住老婆發生醉駕偷食事件,早前又於美國機場飲醉被捕,麥露蓮心血少啲都畀佢激死。日前朗尼離開華盛頓到佛羅里達州又變甩繩馬騮,展開十粒鐘劈酒之旅。本身佢同一眾隊友一齊喺夜店飲,但到晚上11點隊友陸續離開,朗尼得番一個都繼續留低。到凌晨12點過後,佢撞到幾日前結織嘅吧女Vicki Rosiek,二人開始親密傾談,細聲講大聲笑,之後齊齊離開登上Vicki座駕轉場再飲,期間二人表現親暱。Vicki話佢哋只係普通朋友,朗尼亦無心溝女,「只係想於異地同普通人一樣消遣」。Vicki號稱朗尼喺凌晨2點半離開,但英國記者就見唔到佢去咗邊;Vicki就於3點離開回家,之後二人係唔係「更加親密」,就只有佢兩個先知。Vicki表示,佢係數日前於夜店結識朗尼:「當時我見到佢一個人,所以就走埋去同佢傾偈。我初時唔知佢係邊個,到後來朋友先話我聽佢係英格蘭大名鼎鼎嘅足球員。佢個人冇架子,仲有少少怕醜添。當日我又於夜店見到佢,佢走埋嚟同我傾偈,我之後就問佢會唔會轉場,佢一口答應,所以我同揸車同佢去第二度再飲。我同佢冇發生任何事。」英國《太陽報》爆料,一名熟悉朗尼同麥露蓮嘅朋友表示,朗尼個底勁花,依家咁做同玩火冇分別:「離開老婆身邊後,本身同隊友一齊,但最後就同一位金髮美女單獨相處,麥露蓮唔嬲就假!」支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A 


 菁英盃 「世界豪」又嚟料!佳聯元朗A組2連W

 愛華頓頹到點?連Google都寸佢哋!