波經
 



即場短訊


【魔門戰】PSG教頭杜曹仲有D計劃?

【on.cc東網專訊】法甲班霸巴黎聖日耳門會喺周二深夜歐聯16強大戰曼聯,賽前佢哋黑到爆燈,繼早前尼馬受傷肯定缺陣後,尋晚場法甲,就連另一射手卡雲尼都傷埋,搞到前線得番超新星基利安麥巴比。最慘係佢哋新傷初愈嘅中場馬高華拉堤又係未知踢唔踢得,家陣打擊不斷,主帥杜曹話自己預咗嘅B計劃都已經唔掂,要度個D計劃先可以應付場波喎!杜曹話:「我哋依家有幾個B計劃之後嘅潛在方案,冇尼馬,卡雲尼又可能唔得,仲有華拉堤又係咁,我諗我哋必須制定D計劃。不過講到底,我都冇可能考慮晒所有可能會發生情況,球隊必須冷靜同自信,然後好好去分析對手。曼聯係打慣大賽嘅球隊,所以我哋必須要有自信同經驗,少咗兩三個主力一定難打,但我哋有責任去搵出解決辦法。今次係個大挑戰,但我相信到周二,我哋一定會準備好!」支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A 


 亞冠外 傑志抵怡保 大敵係高濕度!

 【有片】Bye Bye喇!騎師韋達!