波經
 



即場短訊


【賽後解碼】鐵人孫興民又入波 歐聯靠晒佢

【on.cc東網專訊】周日(10日)晚英超頭場,熱刺主場以3:1擊敗李斯特城,孫興民又入波,呢位南韓國腳已連續3場聯賽建功,認真犀利,簡直令球迷忘記正在養傷嘅哈利卡尼。由於熱刺兵源緊絀,就算有歐聯後顧,基斯甸艾歷臣、孫興民等主力都要頂硬上,不過勝在將士用命,踢出士氣,連後衞達雲臣山齊士都殺得盛起,以插水式頭槌頂入,為熱刺打開紀錄,亦係佢加盟熱刺後首個士哥。換邊之後,輪到基斯甸艾歷臣表演,轟入遠射靚波,雖然之後被李斯特城前鋒占美華迪追番1球,但補時孫興民建功,鎖定3:1勝局。孫興民仍然係熱刺最大亮點,佢踢完亞洲盃後匆忙歸隊,反而愈戰愈勇,連續3場英超入波,體力認真驚人。熱刺將於周四(14日)凌晨歐聯16強首回合,主場對多蒙特,賽程頻密情況下,靠晒「體力王」孫興民數胡。東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 


 阿古路戴帽 曼城炒車仔6蛋

 菁英盃 贏就掂!香港飛馬強攻冠忠南區