波經
 



即場短訊


【賽後解碼】雲尼斯奧斯就係皇馬嘅未來

【on.cc東網專訊】周日(10日)凌晨西甲馬德里打吡,皇家馬德里作客以3:1擊敗馬德里體育會,皇馬今場可以全取3分,真正功臣並非入波嘅卡斯米路、沙治奧拉莫斯、加里夫巴利,而係雲尼斯奧斯祖利亞。呢位18歲巴西新星喺雙方陷入僵局時,利用個人技術突破,於43分鐘博到12碼,造就沙治奧拉莫斯射入,皇馬領先2:1入更衣室。逼使馬體會下半場焗攻之下,被後備入替嘅加里夫巴利入多1球,呢球只係錦上添花。雲尼斯奧斯祖利亞季前由法林明高加盟皇馬,當時冇乜人睇好佢,而且更一度被貶去踢B隊。不過,皇馬季初戰績低落,眾星狀態大不如前,造就雲尼斯奧斯祖利亞有上位機會,近期更力壓加里夫巴利、馬高阿辛斯奧,成為正選左翼。雲仔亦不負所望,上場西班牙盃鬥巴塞,皇馬靠佢喺左路策動攻勢,先開紀錄,今場佢又喺相同位置,博到12碼,幫球隊第2度領先,發揮出「關鍵先生」角色。皇馬左路以前由C朗主宰,依家由雲尼斯奧斯祖利亞打晒,佢就係「銀河艦隊」未來亮點。支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 


 一戰創3大恥辱紀錄 沙利等執包袱