波經
 



即場短訊


【特稿】日本國腳體脂率洩密 邊個最肥?

【on.cc東網專訊】日本「長青樹」三浦知良嘅體脂率係9.2,其實球員「除脂肪體重」數值一般屬機密,唔會輕易公開,事關數據可以反映班人嘅身體狀況,同埋關乎球員面子問題,但係約莫3年前,夏利荷錫執政時期嘅日本男足,就試過不經意洩密。有次夏利荷錫喺記者會上面,講起班國腳嘅身體情況,就揸住張「除脂肪體重」統計表講嘢,結果畀傳媒影低登埋出嚟,雖然放大之後唔算好清楚,不過依然可以睇到大部分球員嘅脂肪數值,川島永嗣、吉田麻也、宇佐美貴史等被標註為亮起紅燈嘅國腳,全部畀人知道肥肉太多,自然比較冇癮。夏利荷錫後來被指同球員關係麻麻炒咗,呢單嘢有冇影響就冇人知嘞。話時話,當時日本班國腳除咗本田圭佑、武藤嘉紀比較Fit,絕大部分人嘅脂肪率都比前輩三浦知良要高,由此可見三浦真係保養得好過唔少後生仔。部分日本國腳身體脂肪率 本田圭佑 6.5武藤嘉紀 7.2 香川真司 10.4 長谷部誠 10.5 岡崎慎司 10.9槙野智章 11.7柴崎岳 11.8 東口順昭 12 吉田麻也 12.1川島永嗣 13.4宇佐美貴史 14.1東網體育FB同你追實體壇每個精彩時刻!http://bit.ly/2ecTF2A 支持本地運動員,一齊去「睇體」!https://bit.ly/2DxX4XI 


 【有片】喊住話退!梅萊:我好想等埋溫網

 100%擁有 中美財團全面入主尼斯